Հայաստան-Հունաստան մշակութային կապերը կխորանան նոր համաձայնագրերով

Նախարարները վստահություն են հայտնել, որ նոր համաձայնագրերը կնպաստեն երկկողմ կապերի ամրապնդմանը և նոր նախաձեռնությունների մեկնարկին։

ՀՀ ԿԳՄՍ նախարար Ժաննա Անդրեասյանը Հունաստանի ազգային պատկերասրահում հանդիպել է Հունաստանի մշակույթի նախարար Ստիլիանի (Լինա) Մենդոնիի հետ։
Կողմերն ընդգծել են հայ–հունական բարեկամական հարաբերությունների և պատմական ընդհանրությունների կարևորությունը՝ մշակութային կապերը խորացնելու գործում։
Քննարկվել են համատեղ ծրագրեր՝ մշակութային փոխանակում, միջթանգարանային համագործակցություն, համատեղ ցուցահանդեսներ, ֆիլմարտադրություն, մշակութային ժառանգության պահպանում և փորձի փոխանակում։
Հանդիպմանը ստորագրվել են մի շարք փաստաթղթեր՝
  • Մշակույթի բնագավառում համագործակցության ծրագիր
  • Ապօրինի մշակութային արժեքների շրջանառության կանխարգելման համաձայնագիր
  • Հուշագրեր Հայաստանի ազգային ֆիլհարմոնիկ նվագախմբի և Սալոնիկի Մեգարոն համերգասրահի, ինչպես նաև Հայաստանի կինոյի հիմնադրամի և Հունաստանի կինոկենտրոնի միջև։
Նախարարները վստահություն են հայտնել, որ նոր համաձայնագրերը կնպաստեն երկկողմ կապերի ամրապնդմանը և նոր նախաձեռնությունների մեկնարկին։