Հայաստանի Հանրապետությունը պետական բյուջեի պակասուրդի ֆինանսավորման և տնտեսական բարեփոխումների աջակցության նպատակով նոր վարկային միջոցներ կներգրավի Համաշխարհային բանկից (ՀԲ)։ Համապատասխան համաձայնագրի նախագիծը հաստատվել է կառավարության այսօրվա նիստում։
ներգրավվող վարկի ընդհանուր գումարը կազմում է 170,3 միլիոն եվրո:
Ուղղությունները և օրենսդրական փոփոխությունները Հատկացվող միջոցների հաշվին նախատեսվում է իրականացնել մի շարք կառուցվածքային բարեփոխումներ, մասնավորապես.
«Տնտեսական մրցակցության մասին» ՀՀ օրենսդրության բարելավում,
Օտարերկրյա և տեղական ներդրողների համար լրացուցիչ իրավական երաշխիքների ընձեռում,
Մրցակցության պաշտպանության հանձնաժողովի (ՄՊՀ) լիազորությունների ընդլայնում՝ ուղղված գնային սպեկուլյացիաների և հակամրցակցային այլ դրսևորումների կանխարգելմանը:
Վարկավորման պայմանները Ֆինանսական միջոցները տրամադրվում են հետևյալ պայմաններով.
Տարեկան տոկոսադրույք՝ մոտ 3,7%,
Մարման ժամկետ՝ 28 տարի,
Արտոնյալ ժամանակահատված՝ 10 տարի (այդ ընթացքում մայր գումարի վճարումներ չեն իրականացվի)։
