ԱՄՆ-ի Կոլորադո նահանգի բնակիչը ներկայացրել է արտասովոր ամենագնաց։ Ավտոմեքենայի հիմքում 1995 թվականի Jeep Wrangler-ն է։ Սակայն այս մոդելի թափքը ինժեները փոխարինել է Lamborghini Countach-ի թափքով։ Քանի որ երկու ավտոմեքենաներն ունեն գրեթե նույն չափսերը, մասնագետը ստիպված չի եղել էականորեն վերափոխել ամենագնացի հենասարքը և իտալական սուպերմեքենայի թափքը։
Ավտոմեքենաների նախապատրաստման ընթացքում ինժեները կտրել է Wrangler-ի տանիքի խողովակավոր կառուցվածքը՝ բարձրությունը նվազեցնելու համար։ Այնուհետև նա Countach-ի ռադիատորի ճաղավանդակը հեռացրել է և դրա փոխարեն տեղադրել ամենագնացից վերցված օդամուտք։ Այստեղ մասնագետը նաև տեղադրել է խողովակավոր պաշտպանիչ շրջանակ։ Հետևի հատվածում ինժեները տեղադրել է Wrangler-ի օրիգինալ հետևի լույսերը։
Ինժեները ստիպված է եղել նաև շարժիչը տեղափոխել առաջ։ Դրա շնորհիվ ներկայացված ամենագնացի հետևի հատվածում առաջացել է բեռնային հատված, որը բացակայում էր օրիգինալ Countach-ում։ Ավտոմեքենայի ստեղծման գործընթացի մասին պատմելիս ինժեները նշել է, որ շարունակում է կատարելագործել իր նախագիծը։
