ԱԺ-ն առաջին ընթերցմամբ ընդունեց մի շարք օրենսդրական փոփոխություններ

Քվեարկություններից հետո Ազգային ժողովի նիստը ընդմիջվել է մինչև ժամը 16:30:

Հայաստանի Ազգային ժողովի հունվարի 21-ի նիստում պատգամավորները առաջին ընթերցմամբ հաստատել են գործող օրենսդրության մեջ փոփոխություններ և լրացումներ նախատեսող մի շարք օրինագծեր։

Մասնավորապես, առաջին ընթերցմամբ ընդունվել են՝

  • Քաղաքացիական դատավարության օրենսգրքում փոփոխություններ և լրացումներ կատարելու մասին օրենքների նախագծերի փաթեթը և հարակից օրենքներում փոփոխություններ կատարելու նախագծերը,

  • Վարչական դատավարության օրենսգրքում փոփոխություններ և լրացումներ կատարելու մասին օրենքների նախագծերի փաթեթը և հարակից օրենքներում փոփոխություններ կատարելու նախագծերը,

  • «Հանրության գերակա շահերի ապահովման նպատակով սեփականության օտարման մասին» օրենքում փոփոխություններ և լրացումներ կատարելու մասին օրենքների նախագծերի փաթեթը և հարակից օրենքներում փոփոխություններ կատարելու նախագծերը,

  • «Բուսասանիտարիայի մասին» օրենքում փոփոխություններ և լրացումներ կատարելու մասին օրենքների նախագծերի փաթեթը և հարակից օրենքներում փոփոխություններ կատարելու նախագծերը,

  • ինչպես նաև Հարկային օրենսգրքում փոփոխություններ և լրացումներ կատարելու մասին օրենքի նախագիծը։

Քվեարկություններից հետո Ազգային ժողովի նիստը ընդմիջվել է մինչև ժամը 16:30, որից հետո պատգամավորները նախատեսում են հանդիպում ունենալ Կառավարության անդամների հետ՝ ուղղելով իրենց հետաքրքրող հարցերը։