Լույս է տեսել Իլոն Մասկի կյանքի մասին վավերագրական ֆիլմը

հեռուստադիտողները կկարողանան տեսնել Իլոն Մասկի պատմությունը՝ սկզբում մեծ էկրանին, իսկ հետո՝ նաև ստրիմինգում:

Վավերագրական ֆիլմերի հայտնի ռեժիսոր և «Օսկար» մրցանակի դափնեկիր Ալեքս Գիբնին ներկայացրել է Իլոն Մասկի կյանքին և կարիերային նվիրված «Musk» նոր ֆիլմը. հայտնում է Variety-ն։ 

Հեղինակները ֆիլմը ներկայացնում են որպես SpaceX, Tesla և X ընկերությունների հետևում կանգնած գործարարի ամենաազնիվ և անկեղծ կերպարներից մեկը:

ԱՄՆ-ում վարձույթի իրավունքը պատկանում է Bleecker Street ընկերությանը, որը նախատեսում է առաջիկա ամիսներին ֆիլմը թողարկել կինոթատրոններում: Դրանից հետո, HBO Documentary Films-ի հետ համաձայնագրի շրջանակներում, վավերագրական ֆիլմը հասանելի կլինի HBO Max հարթակում:

Այսպիսով, հեռուստադիտողները կկարողանան տեսնել Իլոն Մասկի պատմությունն՝ սկզբում մեծ էկրանին, իսկ հետո՝ նաև ստրիմինգում:

Ալեքս Գիբնին հայտնի է իր քննադատական հայացքով և բարդ ու հակասական թեմաների շուրջ խոսելու պատրաստակամությամբ: Նրա նախորդ աշխատանքները բազմիցս արժանացել են քննադատների գնահատանքին և արժանացել հեղինակավոր մրցանակների, այդ թվում՝ «Օսկար» մրցանակի։