Revlon կոսմետիկայի ապրանքանիշը սնանկ ճանաչվելու հայտ է ներկայացրել

Կոսմետիկայի ամերիկյան արտադրող Revlon-ը, որը հիմնադրվել է 1932 թվականին, սնանկության հայց է ներկայացրել,- գրում է Reuters-ը։ Մարտի 31-ի դրությամբ ընկերության պարտքը գերազանցել է 3,3 մլրդ դոլարը։ «Մենք հուսով ենք, որ կկարողանանք պարզեցնել մեր կապիտալի կառուցվածքը և զգալիորեն նվազեցնել մեր պարտքը», - ասել է Revlon-ի գործադիր տնօրեն Դեբրա Պերելմանը: Ընկերությունը մայիսին ասել է, որ իր վարկատուները համաձայնել են ժամանակավորապես ընդլայնել  շրջանառվող վարկային գծերը մինչև 32 միլիոն դոլար և ավելացրել, որ նախատեսում է լրացուցիչ ֆինանսավորում ներգրավել բաժնետոմսերի հրապարակային վաճառքի միջոցով,- հաղորդում է The Wall Street Journal-ը: Չորեքշաբթի ՝ հունիսի 15-ին, առևտրի փակման ժամանակ Revlon-ն ուներ գրեթե 123 միլիոն դոլար շուկայական կապիտալիզացիա, հինգշաբթի ընկերության բաժնետոմսերի առևտուրը դադարեցվել էր նախաշուկայական առևտրի ժամանակ,- նշում է CNBC-ն: Revlon-ը գրեթե խուսափեց սնանկացումից 2020 թվականի վերջին, քանի որ սպառողները համավարակի պայմաններում կտրուկ կրճատեցին գեղեցկության ապրանքների վրա իրենց ծախսերը,- հայտնում է CNBC-ն: Այնուհետև ընկերության բավարար թվով պարտատոմսերի սեփականատերեր մասնակցել են պարտքի վերակառուցմանը, պարզաբանել է հեռուստաալիքը։ Անցյալ տարի ընկերության վաճառքները 2017 թվականի մակարդակից նվազել են 22%-ով,- նշում է Reuters-ը։