Անցնող շաբաթվա այլ կարևոր իրադարձությունները ֆինանսական շուկաների համար. FINARM

Ֆրանսիայի կառավարությունը 2024թ.-ի ՀՆԱ-ի աճի կանխատեսումը 1.4%-ից նվազեցրել է մինչև 1%՝ պայմանավորված Ուկրաինայում և Գազայի հատվածում տեղի ունեցող ռազմական գործողություններով և Գերմանիայում ու Չինաստանում գրանցված տնտեսական անկմամբ։

Reuters գործակալության կողմից տնտեսագետների շրջանում կատարված հարցումների արդյունքների համաձայն S&P 500 ինդեքսը 2024թ.-ը «կփակի» 5000 միավորով՝ ներկայիս արժեքի նկատմամբ գրանցելով 2% աճ։

Amazon-ի բաժնետոմսերը ներառվել են Dow Jones Industrial Average ինդեքսի մեջ՝ միանալով Apple-ին, Walt Disney-ին և Walmart-ին։ Amazon-ը ինդեքսում կփոխարինի Walgreens Boots Alliance-ին։

Գազայի հետ Իսրայելի հակամարտության արդյունքում Իսրայելի տնտեսությունը 2023թ.-ի 4-րդ եռամսյակում նվազել է 19.4%-ով։

Արգենտինայում հունվար ամսին աղքատության մակարդակը հասել է 57.4%, ինչը վերջին 20 տարիների առավելագույն ցուցանիշն է։ Աղքատության մակարդակի բարձրացմանը նպաստել են ավելի քան 200% գնաճը և կառավարության կողմից արգենտինական պեսոյի՝ 54%-ով արժեզրկումը։