Եվրամիությունը հրաժարվել է ռուսական գազի գնի սահմանաչափի ներդրման ծրագրից․ Bloomberg Եվրամիությունը ժամանակավորապես հրաժարվել է գազի գնի սահմանաչափի ներդրման ծրագրերից ՝ երկրների միջև տարաձայնությունների պատճառով,- հայտնում է Bloomberg-ը ՝ հղում անելով ԵՄ փաստաթղթի նախագծին։ «Հիմա ժամանակն է գործելու, և՛ այս ձմռանը, և՛ գալիք տարիներին: Ստեղծված իրավիճակը տնտեսական և սոցիալական դժվարություններ է առաջացնում ՝ ծանր բեռ դնելով քաղաքացիների և տնտեսության վրա։ Էներգառեսուրսների արժեքի աճը հանգեցնում է քաղաքացիների գնողունակության նվազմանը և ընկերությունների մրցունակության կորստի»,- ասվում է էներգակիրների գների կտրուկ աճի դեմ պայքարի միջոցառումների մասին Եվրահանձնաժողովի նախագծում։ Ենթադրվում է, որ պատրաստի նախագիծը կներկայացվի երկուշաբթի ՝ հոկտեմբերի 18-ին։