Աֆրիկայի և Մերձավոր Արևելքի երկրների հետ Հնդկաստանի առևտուրը կլինի ազգային արժույթով․ Business Standard

Հնդկաստանը մտադրություն է հայտնել իր ազգային արժույթով՝  ռուփիով առևտուր իրականացնել Սաուդյան Արաբիայի, Արաբական Միացյալ Էմիրությունների և աֆրիկյան որոշ պետությունների հետ։ Այս մասին հայտնում է РИА Новости-ն ՝ հղում անելով Business Standard թերթին։ «Հնդկաստանը դիտարկում է այդ երկրների հետ փոխադարձ հաշվարկները ռուփիի վերածելու հնարավորությունը։ Այս քայլը դրական է գնահատվել այս երկրների արտաքին առևտրային շատ գործընկերների կողմից»,- թերթին հայտնել են աղբյուրները։ Ըստ թերթի զրուցակիցների ՝ Հնդկաստանը նույնպես ցանկանում է ռուփին ավելի ընդունելի դարձնել համաշխարհային շուկայում օգտագործելու համար։