Նավթի գինը նոյեմբերի 7-ից ի վեր առաջին անգամ գերազանցել է մեկ բարելի դիմաց 85 դոլարը Նավթի համաշխարհային գներն աճել են գրեթե 2%-ով, իսկ Brent-ի մեկ բարելի արժեքը անցած տարվա նոյեմբերի սկզբից ի վեր առաջին անգամ գերազանցել է 85 դոլարը՝ համաձայն առևտրի տվյալների։ Brent տեսակի նավթի մայիսյան ֆյուչերսների արժեքն աճել է 1,58%-ով՝ հասնելով բարելի դիմաց 85,36 ​​դոլարի, նոյեմբերի 7-ից ի վեր առաջին անգամ այդ ցուցանիշը գերազանցում է 85 դոլարը։ WTI-ի ապրիլյան ֆյուչերսներն աճել են 1,88%-ով՝ հասնելով 81,22 դոլարի։ Հինգշաբթի ավելի վաղ հրապարակվել էր Միջազգային էներգետիկ գործակալության (ՄԷԳ) զեկույցը։ Նավթի համաշխարհային պահանջարկի կանխատեսումն այս տարի ավելացել է օրական 190 հազար բարելով։ ՄԷԳ-ը նաև նվազեցրել է ընթացիկ տարվա համար նավթի համաշխարհային արդյունահանման իր կանխատեսումը օրական 900 հազար բարելով. այժմ ակնկալում է, որ այն կաճի օրական ընդամենը 800 հազար բարելով՝ մինչև օրական 102,9 միլիոն բարել: Գործակալությունն ակնկալում է մինչև տարեվերջ օրական միջինը 300 հազար բարելի դեֆիցիտ, եթե ՕՊԵԿ+-ի ներկայիս կամավոր կրճատումները երկարացվեն։ Աղբյուր՝ Times.am