8.6 մլն դոլարի տեխնիկա՝ 16 խոշորացված համայնքի

16 միավորված համայնքում 25 տոկոսով ավելացել են մշակվող հողատարածքները, արևային ֆոտովոլտային կայանների շնորհիվ տարեկան խնայվել է ավելի քան 70 միլիոն դրամի էլեկտրաէներգիա: Սրանք Տարածքային զարգացման հիմնադրամի իրականացրած ՏԻՄ բարեփոխումների աջակցության ծրագրի ցուցանիշներն են:Ծրագրի դրամաշնորհային մասը կազմում է 8.6 մլն դոլար, համայնքները նույնպես ունեն իրենց փոքր ներդրումը: Համայնքներն ընտրվել են՝ ելնելով խոցելիության աստիճանից: Ընտրվածների ցանկում է նաև ամենից շատ վարելահող ունեցող Վարդենիսը: Համայնքապետարանը նշում է՝ մշակովի հողատարածքներն ավելացել են ժամանակակից տեխնիկայի, էժան ու հասանելի ծառայությունների շնորհիվ: