1. Նիկոլ Փաշինյանը մեկնել է ԱՄՆ՝ մասնակցելու ՄԱԿ-ի ԳԼխավոր ասամբլեային
ՀՀ վարչապետ Նիկոլ Փաշինյանը սեպտեմբերի 22-25-ը աշխատանքային այցով մեկնել է Միացյալ Նահանգներ:
Մանրամասներ. Նյու Յորքում նա մասնակցելու է ՄԱԿ-ի Գլխավոր ասամբլեայի 81-րդ նստաշրջանին, որտեղ հանդես կգա ելույթով (որի տեքստը գրել է օդանավում): Նախատեսված է նաև հանդիպում ՄԱԿ-ի գլխավոր քարտուղար Անտոնիու Գուտերեշի հետ:
2. Հաքան Ֆիդան. «Թուրքիան և ԱՄՆ-ն աջակցում են Հայաստան-Ադրբեջան խաղաղությանը»
Նյու Յորքում «Թուրք-ամերիկյան հարաբերությունները 100-ամյակի շեմին» նիստի ընթացքում Թուրքիայի ԱԳՆ ղեկավար Հաքան Ֆիդանը հայտարարել է, որ Անկարան և Վաշինգտոնը համատեղ աջակցում են Հայաստանի և Ադրբեջանի միջև խաղաղ գործընթացին:
Նպատակը. Ըստ Ֆիդանի՝ երկու երկրները ջանքեր են գործադրում Կովկասում և Սև ծովում լարվածության սրման ռիսկերը նվազեցնելու համար:
3. Սուրեն Պապիկյանի չհայտարարված այցը զորամաս
ՀՀ պաշտպանության նախարար Սուրեն Պապիկյանը վաղ առավոտյան չհայտարարված այց է կատարել ՊՆ զորամասերից մեկը:
Դիտարկում. Նախարարը տեսանյութ է հրապարակել՝ նշելով, որ հետևել է անձնակազմի վերկացին և առավոտյան մարմնամարզությանը այն նույն զորամասում, որտեղ եղել էր ընդամենը մի քանի օր առաջ:
4. ՌԴ ԱԳՆ. «Հայաստանի զարգացման վեկտորի ընտրությունը քաղաքացիներինն է»
ՌԴ ԱԳՆ Եվրոպական հիմնախնդիրների դեպարտամենտի տնօրեն Վլադիսլավ Մասլեննիկովը հայտարարել է, որ Հայաստանի զարգացման վեկտորի վերջնական որոշումը մնում է երկրի քաղաքացիներին:
Դիրքորոշում. ՌԴ պաշտոնյան հույս է հայտնել, որ հայ հասարակությունը կկարողանա օբյեկտիվորեն գնահատել Եվրամիության հետ մերձեցման հնարավոր ռիսկերը:
5. BBC/Mediazona. Պատերազմում զոհվել է առնվազն 258,989 ռուս զինվոր
BBC-ի ռուսական ծառայությունը և Mediazona-ն հայտնել են, որ բաց աղբյուրներով նույնականացված զոհված ռուս զինծառայողների թիվը հասել է 258,989-ի (որոնցից 7700-ը՝ սպաներ):
Գնահատական. Վերջին երկու շաբաթում ցուցակն ավելացել է ավելի քան 10,000 անունով:
6. Թրամփ. Ռուսաստանը կորցրել է վերահսկողությունը դիզելի արտադրության նկատմամբ
ԱՄՆ նախագահ Դոնալդ Թրամփը Truth Social-ում գրել է, որ ուկրաինական հարվածների հետևանքով ռուսական բազմաթիվ նավթավերամշակման գործարաններ շարքից հանվել են, ինչի պատճառով Մոսկվան կորցրել է վերահսկողությունը դիզելային վառելիքի ոլորտում:
7. ԱՄՆ-ն նոր ռազմական ներկայություն է հաստատում Գրենլանդիայում
ՄԱԿ-ի Գլխավոր ասամբլեայի շրջանակում ԱՄՆ-ը, Դանիան և Գրենլանդիան պատրաստվում են ստորագրել համաձայնագիր, որը նախատեսում է նոր ամերիկյան ռազմական ներկայություն Գրենլանդիայի արևելյան ափին:
8. ԵՄ-ն երեք տարով երկարաձգում է ՌԴ-ի դեմ պատժամիջոցները
Եվրամիության երկրների դեսպանները համաձայնեցրել են շուրջ 3 հազար անձանց (այդ թվում՝ Վլադիմիր Պուտինի) նկատմամբ պատժամիջոցների երկարաձգումը 3 տարով:
Քննարկումներ. Ֆրանսիան և Սլովակիան առաջարկում են «սև ցուցակից» հանել գործարարներ Ալիշեր Ուսմանովին և Միխայիլ Ֆրիդմանին, ինչին ընդդիմանում են այլ անդամներ:
