Ըստ Sumitomo Metal-ի 2022 թվականին նիկելի համաշխարհային պահանջարկը մարտկոցների օգտագործման համար կկազմի 410,000 տոննա

Ըստ Ճապոնիայի մետաղի խոշորագույն «Sumitomo Metal Mining»-ի, ակնկալվում է, որ մարտկոցներում օգտագործվող նիկելի համաշխարհային պահանջարկն այս տարի կաճի ավելի քան 20 տոկոսով՝ էլեկտրական մեքենաների (EVs) կայուն պահանջարկի պատճառով,- հայտնում է Reuteurs-ը։ Sumitomo Metal-ը, որը մատակարարում է Panasonic (6752.T) լիթիում-իոնային մարտկոցների կաթոդային նյութեր, որոնք օգտագործվում են Tesla (TSLA.O) EV-երում, ասում է, որ վերալիցքավորվող մարտկոցներում օգտագործվող նիկելի պահանջարկը 2022 թվականին 0030 տոննայից կհասնի ավելի քան 410,000 տոննայի: Նիկելը հիմնականում օգտագործվում է չժանգոտվող պողպատի արտադրության մեջ, բայց նաև կենսական բաղադրիչ է լիթիում-իոնային մարտկոցների համար, որոնք օգտագործվում են էլեկտրաէներգիայի մատակարարման համար, որտեղ նախատեսվում է  պահանջարկի աճ առաջիկա տարիների ընթացքում: «Էլեկտրական մեքենաների նիկելի պահանջարկը շատ ավելի արագ է աճում, քան մենք սպասում էինք մեկ տարի առաջ», - լրագրողների հետ զրույցում ասել է Sumitomo Metal-ի նիկելի վաճառքի և հումքի բաժնի գլխավոր մենեջեր Յուսուկե Նիվան: Sumitomo Metal-ը կանխատեսել է նաև, որ նիկելի համաշխարհային շուկայի դեֆիցիտը այս տարի կնվազի մինչև 68,000 տոննա՝ 2021 թվականի 135,000 տոննայի փոխարեն, քանի որ ակնկալվում է, որ Ինդոնեզիայում նիկելի երկաթի (NPI) արտադրությունը կաճի ավելի քան 1 միլիոն տոննայով։ Նիկելի համաշխարհային պահանջարկը 2022 թվականին աճում է 8,4%-ով՝ մինչև 2,999 մլն տոննա, մինչդեռ ակնկալվում է, որ առաջարկը կաճի 11,4%-ով՝ մինչև 2,931 մլն տոննա :Կանխատեսվում է, որ Ճապոնիայում նիկելի պահանջարկը կաճի 0,2%-ով՝ հասնելով 170,400 տոննայի, իսկ առաջարկը կաճի 1,6%-ով՝ մինչև 168,800 տոննա: