2027 թվականին Հայաստանի համախառն ներքին արդյունքը (ՀՆԱ) կանխատեսվում է 13 տրլն 614 մլրդ դրամի մակարդակում։ Նոյեմբերի 11-ին Ազգային ժողովի ֆինանսավարկային և բյուջետային հարցերի մշտական հանձնաժողովի նիստում այս մասին հայտարարել է ֆինանսների նախարար Վահե Հովհաննիսյանը։
Ինչու է դա կարևոր. Նախարարի գնահատմամբ՝ ցուցանիշն ակնհայտ բարելավում է նախորդ կանխատեսումների համեմատ։ Պետական բյուջեի եկամուտները նախատեսվում են 3 տրլն 604 մլրդ դրամ (ՀՆԱ-ի 26.5%-ը), որից հարկային մուտքերը կկազմեն 3 տրլն 463 մլրդ դրամ (ՀՆԱ-ի 25.4%-ը)։ Ընդ որում, բյուջեի նախագծում ներառված չէ Հայաստան մատակարարվող գազի գնի բարձրացման սցենարը։ Նախագիծը խորհրդարանի լիագումար նիստում կքննարկվի հաջորդ շաբաթ։
2027թ. պետական բյուջեի ծախսերի ու ուղղությունների առանցքային մանրամասները.
Ուժային կառույցներ. 835 մլրդ դրամ (աճը՝ 13%)։
Սոցիալական ոլորտ. 1 տրլն 868 մլրդ դրամ (աճը՝ 15%)։
Տնտեսական ոլորտ. 496 մլրդ դրամ (2026թ. համեմատ աճը՝ 10%)։
Հիմնական մակրոցուցանիշներ.
ՀՆԱ կանխատեսում. 13,614 մլրդ դրամ։
Բյուջեի ընդհանուր եկամուտներ. 3,604 մլրդ դրամ (ՀՆԱ 26.5%)։
Հարկային մուտքեր. 3,463 մլրդ դրամ (ՀՆԱ 25.4%)։
