«Գազպրոմը» հետաձգում է Nord Stream - Siemens-ի համար տուրբինի ներմուծումը. Reuters

Տուրբինը, որը ռուսական  «Գազպրոմին» անհրաժեշտ է «Հյուսիսային հոսքի» լիիրավ շահագործումը վերսկսելու համար, պատրաստ է առաքվել Ռուսաստանի Դաշնություն, սակայն ռուսական կողմը չի տրամադրում անհրաժեշտ թույլտվությունները,- գրում է Reuters-ը ՝ վկայակոչելով Siemens Energy-ի հայտարարությունը։ Ընկերությունը նշում է, որ տուրբինի տեղափոխումը կարող է սկսվել անմիջապես։ «Գերմանական իշխանությունները Siemens Energy-ին տրամադրել են բոլոր անհրաժեշտ փաստաթղթերը Ռուսաստան տուրբինի արտահանման համար անցյալ շաբաթվա սկզբին: Գազպրոմը գիտի այդ մասին: Այնուամենայնիվ, Ռուսաստան ներմուծման համար դեռևս բավարար մաքսային փաստաթղթեր չկան: Գազպրոմը, որպես օգտատեր, պետք է տրամադրի դրանք»,- նշել է աղբյուրը: Գործակալությունը հավելում է, որ տուրբինի տեղափոխման գործընթացը սպասվածից զգալիորեն ավելի բարդ է ստացվել, քանի որ Մոսկվան պահանջում է կոնկրետ փաստաթղթեր ՝ ցույց տալու համար, որ այդ սարքավորումների փոխանցումը չի խախտում պատժամիջոցները։