ԱՄՆ-ն առաջարկում է ռուսական նավթի գինը սահմանափակել մինչև 60 դոլար մեկ բարելի դիմաց. Reuters

Ռուսական նավթի գինը կարող է սահմանափակվել մեկ բարելի դիմաց 60 դոլարով։ Այս առաջարկն արել է ԱՄՆ ֆինանսների նախարար Ջանեթ Յելենը Արժույթի միջազգային հիմնադրամի և Համաշխարհային բանկի հանդիպման ժամանակ,- հայտնում է Reuters-ը։ Դա բավարար է Մոսկվայի էներգետիկ եկամուտները նվազեցնելու և շահութաբեր արտադրություն ապահովելու համար,- ասել է նա։ Քաղաքական գործիչը նշել է, որ վերջին 5-7 տարիների ընթացքում Ռուսաստանը պատրաստ է եղել նավթ արդյունահանել և վաճառել 60 դոլարի սահմաններում։ Փոխնախարար Ուոլլի Ադիմը Նյու Յորքում կայացած համաժողովում ասել է, որ Ռուսաստանը փորձում է պայմանագրերի շուրջ բանակցել Brent-ի գնից շատ ցածր գներով, ինչը նշան է, որ գնի սահմանաչափի քննարկումները որոշակի ազդեցություն են ունենում: