2022թ-ին Հայաստանում սպառողական գների ինդեքսն աճել է 8.6%-ով Հայաստանում սպառողական գներն այսքան են աճել նախորդ տարվա հունվար-դեկտեմբեր ամիսներին 2021-ի համեմատ: Մասնավորապես, սննդամթերքի և ոչ ալկոհոլային խմիչքների գները 2021թ-ի վերջի համեմատ աճել են 13.0%-ով: Ալկոհոլային խմիչքների, ծխախոտային արտադրատեսակների գները վերջին 12 ամսում աճել են մոտ 8%-ով (8.2%)։ Հագուստի և կոշիկի գները մոտ 9-ով (9.1%): Աճել են նաև բնակարանային ծառայությունների, ջրի, էլեկտրաէներգիայի, գազի և վառելիքի գները մոտ 6%-ով, առողջապահության գները մոտ 2%-ով, տրանսպորտի գները 7%-ով, Կրթության գները մոտ 3%-ով, ռեստորանների և հյուրանոցների գները մոտ 7%-ով։