Անկախ եկամուտների անկման աստիճանից ՝ ՎՏԲ-ն վարկային արձակուրդ է առաջարկել իր հաճախորդներին ՎՏԲ բանկն իր ռուս  հաճախորդներին առաջարկել է հետաձգել վարկի վճարումները՝ անկախ եկամուտների նվազման աստիճանից և առանց հիմնավոր փաստաթղթերի: «Մարտի 23-ից ՎՏԲ բանկն հաճախորդների համար բարելավում է վարկային արձակուրդ տրամադրելու պայմանները։ Այժմ վճարումների հետաձգում կարելի է ստանալ անկախ եկամուտների նվազման մակարդակից և առանց հիմնավոր փաստաթղթերի»,- նշված է բանկի տարածած հայտարարության մեջ։ ՎՏԲ-ի մամուլի ծառայությունից հայտնել են, որ արձակուրդները կարելի է հեռակա կարգով ձևակերպել բանկի կոնտակտային կենտրոնում կամ VTB Online չաթում, առանց գրասենյակ այցելելու, իսկ այն հաճախորդները, ովքեր չունեն ժամկետանց պարտավորություններ, կարող են փաստաթղթեր չներկայացնել եկամուտների նվազման վերաբերյալ։ Ծրագիրը կգործի մինչև 2022 թվականի սեպտեմբերի 30-ը։ Վարկային արձակուրդ կարելի է ստանալ սպառողական վարկերի դեպքում մինչև 300 հազար ռուբլի, ավտովարկերի դեպքում ՝ 700 հազար, վարկային քարտերի դեպքում՝ 100 հազար։Մոսկվայում հիփոթեքի համար վարկի գումարը չպետք է գերազանցի 6 միլիոն ռուբլին, Սանկտ Պետերբուրգում և  արևելյան դաշնային շրջաններում ՝ 4 միլիոն, Լենինգրադի շրջանի և այլ շրջանների համար՝ 3 միլիոն։ Մարտի 14-ին Պետդումայի փոխխոսնակ Պյոտր Տոլստոյը հայտարարեց պատժամիջոցների պայմաններում Ռուսաստանի տնտեսությանն աջակցելու միջոցառումների երրորդ փաթեթի մշակման մասին։ Հակաճգնաժամային միջոցառումների առաջին երկու փաթեթների շրջանակներում խորհրդարանն արդեն հաստատել է 13 փաստաթուղթ։ Ռուսաստանի Դաշնության վարչապետը հրամանագիր է ստորագրել վարկերի առավելագույն չափի մասին, որոնց համար ռուսները կարող են դիմել վարկային արձակուրդ ստանալու համար։ Կրեմլում հայտնել են նաև, որ «տնտեսական պատերազմի հետևանքները կհասցվեն նվազագույնի»։