ԱՄՆ-ն կոչ է անում «բոլոր երկրներին» դադարեցնել էներգակիրների ներկրումը Ռուսաստանից

ԱՄՆ Կոնգրեսի Ներկայացուցիչների պալատի անդամ Մարսի Կապտուրն ասել է, որ աշխարհի «բոլոր երկրները» պետք է դադարեցնեն ռուսական նավթի, գազի և ածուխի ներկրումը Ուկրաինայում տիրող իրավիճակի պարագայում,- հայտնում է RT-ն։ «Բոլոր երկրները պետք է Ուկրաինային մատակարարեն անհրաժեշտ սպառազինություն և պաշտպանական տեխնիկա։ Պետք է դադարեցնեն ռուսական ածուխի, նավթի և գազի ներկրումը։ Բոլոր երկրները պետք է ավելի ու ավելի սեղմեն պատժամիջոցների պտուտակները»,- ասել է կոնգրեսականը։ Նա նաև նշել է, որ այսպես կոչված ազատ աշխարհը պետք է անհապաղ «համատեղ հակահարված տա» Ռուսաստանին և «հետ մղի չարի հարձակումը» Ուկրաինայի վրա։ Այս շաբաթ Եվրախորհրդարանը բանաձև է  ընդունել  , որով ԵՄ-ին կոչ էր անում էմբարգո սահմանել Ռուսաստանից գազի, նավթի, ածուխի և միջուկային վառելիքի մատակարարումների վրա ։Ավելի վաղ Միացյալ Նահանգների նախագահ Ջո Բայդենը հայտարարել էր ուկրաինական իրադարձությունների պատճառով երկիր ռուսական էներգետիկ արտադրանքի ներմուծման արգելքի մասին։ Հիշեցնենք, որ փետրվարի 24-ին ՌԴ նախագահ Վլադիմիր Պուտինը հայտարարել է , որ որոշել է ռազմական հատուկ գործողություն իրականացնել Ուկրաինայում ՝ ի պատասխան ԼԺՀ-ի և ԿԺԴՀ-ի ղեկավարների օգնության խնդրանքի։ Երկրի ղեկավարը գործողության նպատակն անվանել է «մարդկանց պաշտպանությունը, ովքեր ութ տարի շարունակ ենթարկվել են Կիևի ռեժիմի կողմից բռնության և ցեղասպանության։ Գործողության անցկացման որոշումը պատճառ է դարձել ԱՄՆ-ի և նրա դաշնակիցների կողմից Ռուսաստանի դեմ նոր պատժամիջոցների սահմանմանը։