2022թ. հունվար-սեպտեմբերին Հայաստանից արտահանումն աճել է 63.8%-ով

Այս տարվա հունվար-սեպտեմբեր ամիսներին Հայաստանի և այլ երկրների միջև արտաքին առևտրաշրջանառության ծավալը կազմել է 9,306.6 մլն դոլար։ Նախորդ տարվա համանման ցուցանիշի համեմատ արձանագրվել է աճ 62.5%-ով: Վիճակագրական կոմիտեի տվյալից երևում է, որ հաշվետու ժամանակահատվածում գործընկեր երկրների հետ առևտրային հարաբերություններում ներմուծումը գերազանցել է արտահանումը 2,287.8 մլն դոլարով: Այսպես, այս տարի հունվար-սեպտեմբերին Հայաստանն արտահանել է 3,509.4 մլն դոլարի արտադրանք և այլ երկրներից ներմուծել 5,797.2 մլն դոլարի արտադրանք: Նախորդ տարվա նույն ժամանակահատվածի համեմատ, արտահանման աճը կազմել է 63.8%, իսկ ներմուծման ոլորտում արձանագրված աճը՝ 61.6%։