Ռուսաստանը Բելառուսին 1,5 միլիարդ դոլարի վարկ կհատկացնի Որոշում է կայացվել Բելառուսին 1,5 մլրդ դոլարի վարկ հատկացնել ներմուծման փոխարինման նախագծերի իրականացման համար։ Այս մասին հայտարարել է փոխվարչապետ Ալեքսեյ Օվերչուկը։ Նրա խոսքով, համաձայնագիրը կա՛մ արդեն ստորագրված է, կա՛մ կստորագրվի:«Այս որոշումն ընդունված է, և համաձայնագրի բոլոր պարամետրերը սկզբունքորեն համաձայնեցված են»,- պարզաբանել է նա Մոսկվայում Կասպյան տնտեսական ֆորումի շրջանակներում։ Փոխվարչապետի խոսքով ՝ 1,5 միլիարդ դոլար է հատկացվում «նախագծերի համար, որոնք վերաբերելու են ներմուծման փոխարինմանը եւ համապատասխան ճյուղերի զարգացմանը»։ Ավելի վաղ Ռուսաստանի և Բելառուսի նախագահներ Վլադիմիր Պուտինն ու Ալեքսանդր Լուկաշենկոն համաձայնության էին եկել Միութենական պետության շրջանակներում բոլոր 28 ծրագրերի շուրջ։ Պայմանավորվածություններ են ձեռք բերվել միասնական մակրոտնտեսական քաղաքականության, ազգային վճարային համակարգերի ինտեգրման և միասնական վճարային տարածքի ստեղծման, Բելառուսի համար նոր վարկերի և արտաքին պարագծում Միութենական պետության անվտանգության ապահովման վերաբերյալ։