Եվրոպայի հրաժարումը ռուսական նավթից Մոսկվային փակուղի չի տանի. Reuters Ռուսաստանը նավթ չի մատակարարի Եվրամիությանը, եթե գնային շեմ սահմանի, քանի որ Մոսկվան էներգակիրների արտահանումը կկենտրոնացնի ասիական երկրներ։ Այս մասին նշում են էներգետիկ շուկայի մասնակիցները։ «Դժվար թե Ռուսաստանը գնային սահմանափակմամբ աշխատի, դա Մոսկվայի համար իմաստ չունի ո ՛չ քաղաքական, ո ՛չ էլ տնտեսական առումով։ Նրա համար շատ ավելի հեշտ է մասնավոր գործարքներ կնքելը, քան հրապարակայնորեն համաձայնվել Արևմուտքի կողմից թելադրված գնային շեմի հետ», - Reuters-ին ասել է նավթի ռուս վաճառականը: Սպասվում է, որ երբ ԵՄ-ն հրաժարվի Ռուսաստանի Դաշնությունից նավթից, կավելանան մատակարարումները Հնդկաստան, Չինաստան և Թուրքիա, որոնք, ամենայն հավանականությամբ, չեն միանա էմբարգոյին։ Ասիական նավթի առևտրային ընկերությունից գործակալության զրուցակցի խոսքով ՝ ռուս մատակարարներն արդեն առաջարկում են ավելի բարենպաստ պայմաններ ՝ նավթի զեղչեր, ապահովագրական ծածկույթ, վճարման բարենպաստ պայմաններ և այլ արտոնություններ։ Շուկայի մասնակիցները նշել են, որ Չինաստանից, Հնդկաստանից և Թուրքիայից բացի, Ռուսաստանը փորձում է նավթի մատակարարումներ հաստատել ավելի փոքր երկրների, ինչպիսիք են Շրի Լանկան և Կուբան: