Ճապոնական Toyota Motor ընկերությունը Ռուսաստանին պաշտոնապես պահեստամասեր չի մատակարարում. TACC

Ճապոնական Toyota Motor ընկերությունը Ռուսաստանին պաշտոնապես պահեստամասեր ու հավաքույթներ չի մատակարարում։ Այս մասին ՏԱՍՍ-ին հայտնել է ապրանքանիշի ներկայացուցիչը։ Մինչդեռ մասերը, որոնք չեն մտնում պատժամիջոցների տակ, կարող են ներմուծվել դիլերների կողմից և օգտագործվել մեքենաների վերանորոգման համար։ «Մեր ընկերությունը չի վերսկսել մասերի մատակարարումը Ռուսաստանում, դա ճիշտ չէ։ Սակայն Ռուսաստանում Toyota մեքենաների սպասարկումն իրականացվում է հնարավորության սահմաններում ՝ օգտագործելով մասեր, որոնք կարելի է ձեռք բերել այնտեղ ՝ առանց պատժամիջոցների խախտման»,- ասել է մամուլի պատասխանատուն։Հունվարի 20-ին «Իզվեստիա» թերթը հայտնել է, որ Toyota-ն 2022 թվականի վերջին վերսկսել է Ռուսաստան պահեստամասերի մատակարարումները, որոնք ենթակա չեն պատժամիջոցների։ Միևնույն ժամանակ, Toyota Motor-ի ռուսական դուստր ձեռնարկությունը թույլ է տվել իր դիլերներին զուգահեռ ներմուծել պահեստամասեր, որոնք ընկած են սահմանափակումների տակ, մասնավորապես ՝ էլեկտրոնիկա: