Ագարակը 75 տարեկան է Ագարակ քաղաքը նոյեմբերի 2-ին նշեց իր հիմնադրման 75-ամյակը։ Միջոցառումները ներառում էին մարզական, մշակութային և հասարակական տարբեր արարողություններ։ Քաղաքի տոնական օրը մեկնարկեց հարգանքի տուրքով զոհվածների հիշատակին, որին հաջորդեցին հեծանվային շքերթը, նկարների ցուցահանդեսը և շախմատի մրցաշարը քաղաքի կենտրոնում։ Տոնակատարությանը մասնակցում էին նաև համայնքի ղեկավարությունը, ինչպես նաև Սյունիքի մարզպետ Ռոբերտ Ղուկասյանը, ով իր ելույթում ընդգծեց Ագարակի պատմական դերը տարածաշրջանում։ Մեղրի համայնքի ղեկավար Խաչատուր Անդրեասյանը նույնպես նշեց քաղաքի տեղն ու դերը Սյունիքի կյանքի մեջ։ Ագարակի պղնձամոլիբդենային կոմբինատը, որը քաղաքում համարվում է տնտեսության հիմքը, առանձնահատուկ տեղ է զբաղեցնում քաղաքի զարգացման գործում։ Կոմբինատի գլխավոր տնօրեն Ալեքսանդր Բելյաևը, ով եկել է Յակուտիայից, իր ելույթում շեշտեց քաղաքի երիտասարդ ու ներուժ ունեցող բնակչությունը՝ վստահություն հայտնելով քաղաքի ապագայի նկատմամբ։ Միջոցառումների շրջանակում պարգևատրվեցին այն անձինք, ովքեր տարիների ընթացքում ներդրում են ունեցել քաղաքի զարգացման գործում։ Պատվոգրեր ստացան արդյունաբերության, առողջապահության, կրթության, մշակույթի և սպորտի ոլորտներում աշխատած քաղաքացիներ։ Միջոցառումները եզրափակվեցին համերգային ծրագրով և հրավառությամբ։ Շուրջ 5000 բնակիչ ունեցող Ագարակի համար տոնական օրն ավելի քան ստացված էր։ https://youtu.be/xleggVAQULw