VK-ն ցանկանում է իր բիզնեսի մեկ երրորդը վաճառել Չինաստանին Ռուսական ՏՏ հսկան ՝  VK-ն (նախկինում՝ Mail.Ru Group) դիտարկում է իր MY.Games խաղային ստորաբաժանման վաճառքը, որը հոլդինգին ապահովում է իր ընդհանուր եկամտի մեկ երրորդով,- գրում է Коммерсант-ը՝ հղում անելով սեփական աղբյուրներին։ VK-ն պոտենցիալ գնորդներ է փնտրում Ասիայում և Մերձավոր Արևելքում։ Մասնավորապես, հաղորդվում է, որ ռուսական հոլդինգն արդեն հանդիպում է ունեցել տեսախաղերի աշխարհի խոշորագույն հրատարակչի՝ Tencent Games չինական ընկերության ներկայացուցիչների հետ։ VK-ի որոշման ամենահավանական պատճառը MY.Games-ի համար բիզնես ռիսկերի նվազեցումն է։ Ընկերությունը մշակում և թողարկում է տեսախաղեր սմարթֆոնների, պլանշետների և համակարգիչների համար գրեթե ամբողջ աշխարհում։ ՏՏ հսկայի խաղային բաժինը գրասենյակներ ունի 12 երկրներում, այդ թվում՝ Եվրոպայում, ԱՄՆ-ում և Ասիայում։ VK-ն մտավախություն ունի, որ աշխարհաքաղաքական իրավիճակի պատճառով MY.Games-ը կարող են պատժամիջոցների ենթարկվել։Հաղորդվում է, որ վաճառքը կարող է լինել պաշտոնական։ Այսինքն, VK-ն նախատեսում է գնորդին փոխանցել միայն իր խաղերի վաճառքի լիցենզիաները, բայց միևնույն ժամանակ պահպանել վերահսկողությունը մշակողների նկատմամբ։