Գերմանիայից Ռուսաստան արտահանման ծավալը կրճատվել է 52,9%-ով

Աշնան առաջին ամսվա արդյունքներով Գերմանիայից Ռուսաստան արտահանման ծավալը տարեկան կտրվածքով կրճատվել է 52,9%-ով։ Միաժամանակ Ռուսաստանից Գերմանիա ներմուծումն այս ընթացքում կրճատվել է 37,4%-ով,- ասվում է երկրի Դաշնային վիճակագրական բյուրոյի (Destatis) կայքում։ «Գերմանիայից Ռուսաստան արտահանումը սեպտեմբերին կրճատվել է 52,9%-ով և կազմել 1,1 մլրդ եվրո Ռուսաստանից ներմուծման արժեքը այս ժամանակահատվածում նվազել է 37,4%-ով և կազմել 1,8 մլրդ եվրո»,- ասվում է զեկույցում։ Երկու երկրների միջև ապրանքաշրջանառության անկման պատճառ են դարձել Ուկրաինայում հակամարտության սրումը և արևմտյան պետությունների կողմից Մոսկվայի դեմ լայնածավալ միջազգային պատժամիջոցների ներդրումը։ Միաժամանակ Գերմանիային հաջողվել է փոխհատուցել Ռուսաստանի հետ ապրանքաշրջանառության անկումը դեպի ԱՄՆ արտահանման կտրուկ աճի պատճառով,- ասվում է զեկույցում։ «Գերմանական արտահանման կարևորագույն ուղղություն հանդիսացող ԱՄՆ արտահանումն աճել է 43,4%-ով և կազմել 15,4 մլրդ եվրո։ Ամենատարածվածը եղել է ավտոմեքենաների, կցասայլերի և կիսակցորդների վաճառքը 3,5 մլրդ եվրոյի չափով (+63,1% 2021թ. սեպտեմբերի համեմատ) և դեղագործական ապրանքների վաճառքը՝ 2,7 մլրդ եվրոյի (+60,2%) ծավալով»,– ասված է զեկույցում։ Ֆրանսիան և Նիդեռլանդները սեպտեմբերին գերմանական արտահանման այլ կարևոր ուղղություններ էին: Եվրոպական այս երկրներ արտահանման ծավալներն աճել են 20%-ով և 3,9%-ով ՝ համապատասխանաբար մինչև 10,4 մլրդ և 9,2 մլրդ եվրո,- նշել է Destatis-ը։