Եվրամիությունը սպասվածից շատ ավելի արագ է ազատվում ռուսական գազից կախվածությունից։ Ընդամենը ութ ամսվա ընթացքում եվրոպական երկրները փոխարինող են գտել ռուսական գազի երկու երրորդի համար,- չորեքշաբթի օրը Եվրախորհրդարանում ելույթի ժամանակ ասաց Եվրահանձնաժողովի նախագահ Ուրսուլա ֆոն դեր Լեյենը։ «Այն ժամանակ, երբ մենք առաջին անգամ առաջարկեցինք RePowerEU-ն մարտին, մեծ կախվածություն կար ռուսական գազից: Այն ժամանակ մենք ակնկալում էինք, որ մի քանի տարի կպահանջվի ռուսական գազի փոխարինման համար: Բայց փաստն այն է, որ մեզնից ընդամենը ութ ամիս պահանջվեց փոխարինելու համար երկու երրորդը, այլ կերպ ասած ՝ մենք զգալիորեն արագացրել ենք վերակողմնորոշումը դեպի արտերկրի այլ մատակարարներ»,- ասել է ֆոն դեր Լեյենը։ Նա խոստովանեց, որ նման դիվերսիֆիկացիան շատ թանկ է նստել Եվրամիության վրա: Ուստի Ուրսուլա ֆոն դեր Լեյենն առաջարկում է մեծացնել ներդրումները եվրոպական էներգիայի արտադրության մեջ, առաջին հերթին էներգիայի վերականգնվող աղբյուրներում։ 2021 թվականին Եվրոպան ներմուծել է 150 միլիարդ խորանարդ մետր ռուսական գազ։