Ըստ The Economic Times-ի Հնդկաստանը և Ռուսաստանի Դաշնությունը կարող են մշակել գործող SWIFT-ի այլընտրանքային գործարքների համակարգ։ Հրատարակությունը նշել է, որ Հնդկաստանում Ռուսաստանի դեսպանատունը նամակ է ուղարկել երկրի ֆինանսական կառույցներին, որում նշել է, որ երկու երկրների միջև «ֆինանսական պարտավորությունների կատարման սահմանափակումներ չկան»։ Սա կարող է վկայել մոտ ապագայում «ռուբլի-ռուփի» երկկողմ գործարքների մեխանիզմի ի հայտ գալու մասին։ Հաղորդվում է, որ Հնդկաստանի կառավարությունը ուսումնասիրում է հինգ ազգային բանկերի նման առևտրային հարաբերություններին մասնակցելու հնարավորությունը: Ավելի վաղ Bloomberg-ը հայտնել էր, որ Հնդկաստանը  քննարկում է Ռուսաստանի Դաշնության առաջարկը՝ երկկողմանի վճարումներ կատարելու համար օգտագործել SPFS (Ռուսաստանի Բանկի ֆինանսական հաղորդագրությունների համակարգը):