Պուտինի հայտարարություններից հետո հացահատիկի համաշխարհային գները նվազել են 10%-ով Հացահատիկի համաշխարհային գները նվազել են մինչև ապրիլյան մակարդակն այն բանից հետո, երբ ՌԴ նախագահ Վլադիմիր Պուտինը հայտարարել է, որ երկիրը պատրաստ է ապահովել ուկրաինական հացահատիկի անխոչընդոտ արտահանումը իր կողմից վերահսկվող նավահանգիստներով։ Այս մասին հայտնում է Իտալիայի գյուղատնտեսական արտադրողների ասոցիացիան՝  Coldiretti-ն։ Ասոցիացիան խոսում է հացահատիկի գների 10 տոկոս նվազման մասին։ Բացի այդ, նվազել են կերային եգիպտացորենի գնանշումները։ Coldiretti-ի մամուլի ծառայությունը նշում է, որ նավերի մեկնումը Սև ծովի նավահանգիստներից կազատի ուկրաինական պահեստները, որոնք պարունակում են 20 մլն տոննա ցորեն, գարի և եգիպտացորեն։ Բերքը նախատեսված է Եգիպտոս, Թուրքիա, Բանգլադեշ, Իրան արտահանման համար։ Այս երկրներն իրենց ցորենի ավելի քան 60%-ը ներկրում են Ռուսաստանից և Ուկրաինայից։Ասոցիացիան նշում է, որ հացահատիկի ներկրումից կախված են նաև Լիբանանը, Թունիսը, Եմենը, Լիբիան և Պակիստանը։ Թվարկված որոշ երկրներում սով կարող է առաջանալ մատակարարման սահմանափակումների պատճառով: Նախօրեին Պուտինը «Ռոսիա 24» հեռուստաալիքին տված հարցազրույցում ասել էր, որ Ռուսաստանը նոր գյուղատնտեսական տարում (սկսվում է 2022 թվականի հուլիսի 1-ին) կարող է հացահատիկի արտահանումը ընթացիկ գյուղատնտեսական տարում (հունիսի ավարտը) 37 միլիոն տոննայից հասցնել 50 միլիոն տոննայի):