Անցնող շաբաթվա այլ կարևոր իրադարձությունները ֆինանսական շուկաների համար

Թրեյդերները ԱՄՆ գնաճի վերաբերյալ զեկույցի հրապարակումից հետո ակնկալում են, որ ԱՄՆ Դաշնային պահուստային համակարգը նոյեմբերին ևս 50 բազիսային կետով կկրճատի վերաֆինանսավորման տոկոսադրույքը։ Եվրագոտու երկրներում սպառողների սպասումները առաջիկա 12 ամիսների գնաճի վերաբերյալ հասել են վերջին 3 տարիների նվազագույն մակարդակին՝ 2.7%-ի։ Տնտեսական համագործակցության և զարգագման կազմակերպությունը 2024թ.-ի համար գլոբալ տնտեսական աճի կանխատեսվող ցուցանիշը 3.1%-ից բարձրացրել է մինչև 3.2%-ի։ Օգոստոսին առանձնատների վաճառքները ԱՄՆ-ում նախորդ ամսվա համեմատ սպասվածից ավելի քիչ են նվազել (4.7%-ով), իսկ առաջիկա ամիսներին կարող են աճել՝ պայմանավորված հիփոթեքային վարկերի տոկոսադրույքների նվազմամբ և տների նկատմամբ աճող պահանջարկով։ ՌԴ կենտրոնական բանկի նախագահը չի բացառել, որ հոկտեմբերի 25-ին կայանալիք նիստին ՌԴ ԿԲ-ն կրկին կբարձրացնի վերաֆինանսավորման տոկոսադրույքը, ինչը կնպաստի գնաճը թիրախային 4%-ին հասցնելուն։ Վերջերս Ռուսաստանը 2024թ.-ի համար գնաճի պաշտոնապես կանխատեսվող ցուցանիշը բարձրացրել է մինչև 7.3%: finarm.am