Լուրեր ներդրողների համար. Limitless Asset Management Ryanair-ի բաժնետոմսերը նվազել են, երբ ընկերությունը հայտարարել է եռամսյակային շահույթի 46%-ով նվազման և ամռան ամիսներին սպասվածից ցածր ուղեվարձի մասին: Ավիաընկերությունը հայտնել է, որ առաջին եռամսյակում շահույթը կազմել է 360 միլիոն եվրո, մինչդեռ նախորդ տարվա նույն ժամանակահատվածում այդ ցուցանիշը զգալիորեն ավելի բարձր է եղել՝ 663 միլիոն եվրո:

Ավիաընկերությունն այս ամռանը գործարկել է իր ամենամեծ՝ ավելի քան 200 նոր երթուղիներով և հինգ նոր բազաներով չվացուցակը: Ընկերության մեկ բաժնետոմսի արժեքը հուլիսի 22-ի դրությամբ կազմել է 97 ԱՄՆ դոլար: SAP-ի բաժնետոմսերն աճել են 7%-ով՝ հասնելով երբևէ ունեցած ամենաբարձր ցուցանիշին, երբ Եվրոպայի խոշորագույն ծրագրային ապահովման համակարգեր արտադրողը հայտնել է սպասվածից ավելի բարձր եռամսյակային եկամուտի մասին:

Գերմանական ընկերության եկամուտը, որի ծրագրակազմն օգտագործվում է հաշվապահությունից մինչև մատակարարման շղթայի կառավարում իրականացնելու համար, աճել է 10%-ով՝ հասնելով 8.29 մլրդ եվրոյի` պայմանավորված բիզնեսի պլանավորման իր ծրագրի նկատմամբ առկա մեծ պահանջարկով: Ընկերության մեկ բաժնետոմսի արժեքը հուլիսի 22-ի դրությամբ կազմել է 200 ԱՄՆ դոլար: Comcast մեդիա ընկերության բաժնետոմսերը նվազել են մոտ 6.5%-ով՝ կազմելով 38.5 ԱՄՆ դոլար մեկ բաժնետոմսի դիմաց, երբ ընկերությունը հաղորդել է երկրորդ եռամսյակի արդյունքների մասին: Ընկերության 26.69 մլրդ դոլար եկամուտը 3%-ով պակաս է եղել նախորդ տարվա նույն ժամանակահատվածի ցուցանիշից և էապես զիջում է վերլուծաբանների 30.02 մլրդ դոլարի կանխատեսումներին:

Երկրորդ եռամսյակի հիասթափեցնող եկամուտը պայմանավորված է թերի բովանդակությամբ և որոշ ոլորտների ցածր վաճառքներով. 11%-ով նվազել են թեմատիկ զվարճանքի կենտրոնների վաճառքները և 27%-ով՝ ստուդիաների վաճառքները: Հուսադրող հատվածը հոսքային ծառայությունն է՝ Peacock-ը: Սթրիմինգի բաժանորդները աճել են 38%-ով՝ հասնելով 33 միլիոնի: UPS-ի (United Parcel Service-ի) բաժնետոմսերը նվազել են ավելի քան 13%-ով՝ հասնելով 2020 թվականից ի վեր իրենց ամենացածր մակարդակին. պատճառը բեռնափոխադրողի երկրորդ եռամսյակի հրապարակած շահույթի ցուցանիշն է, որն ավելի պակաս է, քան վերլուծաբաններն ակնկալում էին:

Առաքումներից ստացված եկամուտը ցածր է՝ պայմանավորված համաճարակից հետո պահանջարկի որոշակի հետընթացով: Ընկերության շահույթը նվազել է 32%-ով՝ կազմելով 1.41 մլրդ դոլար. նախորդ տարվա նույն ժամանակահատվածի արդյունքը եղել է 2.08 մլրդ դոլար: UPS-ի մեկ բաժնետոմսի արժեքը հուլիսի 25-ի դրությամբ կազմում է 127 ԱՄՆ դոլար: ԴԻՄԵՔ ՄԵԶ՝ Limitlessam.com [email protected] +374 11 888 118 Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ: Կազմակերպությունը վերահսկվում է ՀՀ Կենտրոնական Բանկի կողմից