Մայիսի 26-ի բիզնես լուրերը

ՀՆԱ-ի աճում առաջատար է ծառայությունների ոլորտը

2025 թվականի առաջին եռամսյակում Հայաստանի համախառն ներքին արդյունքն աճել է 5.2%-ով։ Ըստ Եվրասիական զարգացման բանկի՝ այդ աճում հիմնական ներդրողը ծառայությունների ոլորտն է։ Սա գերազանցում է 2025-ի պետական բյուջեով նախատեսված 5.1% տնտեսական աճի կանխատեսումը։

Անվճար երթուղի դեպի Կենդանաբանական այգի

Երևանի կենդանաբանական այգին շաբաթ, կիրակի և տոն օրերին հասանելի է անվճար ավտոբուսային երթուղով՝ մետրոյի «Երիտասարդական» կայարանից։ Այգում այս պահին ընթանում են ենթակառուցվածքների և ճեմուղիների բարեկարգման աշխատանքներ, արդիականացվել են ազատավանդակները, և շուտով կցուցադրվեն նոր կենդանատեսակներ։

559 ՀԴՄ խախտում ապրիլին՝ 270 մլն դրամ տուգանք

Ապրիլ ամսվա ընթացքում արձանագրվել են հսկիչ դրամարկղային մեքենաների կիրառման կանոնների խախտման 559 դեպք, որոնց հետևանքով հաշվարկվել է 270.3 մլն դրամի տուգանք։ Դրանցից 18 հարկ վճարողների նկատմամբ կիրառվել է ավելի քան 1 մլն դրամի տուգանք՝ ընդհանուր 106.54 մլն դրամի չափով։

Տնտեսական ակտիվության ցուցանիշն աճել է 4.4%-ով

Ֆինանսների նախարարության տվյալներով՝ 2025թ. հունվար-ապրիլին Հայաստանի տնտեսական ակտիվության ցուցանիշն աճել է 4.4%-ով՝ նախորդ տարվա նույն ժամանակահատվածի համեմատ։

Զբոսաշրջիկների հոսքը կրճատվել է 11.3%-ով

Հանրապետություն 2025-ի առաջին եռամսյակում այցելել է 386 741 զբոսաշրջիկ, ինչը 11.3%-ով պակաս է նախորդ տարվա նույն ժամանակահատվածից։ Ամենաշատը՝ 144 072 զբոսաշրջիկ, եղել են Ռուսաստանից, սակայն այս թիվը ևս նվազել է 21.8%-ով։

Առևտրային եկամուտներով Ռուսաստանը՝ աշխարհի առաջատար եռյակում

ՌԴ-ն 2024-ին գրանցել է առևտրային հավելուրդով համաշխարհային երրորդ արդյունքը։ Առաջատարն է Չինաստանը՝ 991 մլրդ դոլար զուտ առևտրային եկամուտով, որին հետևում է Գերմանիան՝ 258 մլրդ դոլարով։ Ռուսաստանի ցուցանիշը՝ երրորդ տեղում։

Թուրքիան կարող է կորցնել 400 մլն դոլար Հնդկաստանի բոյկոտի հետևանքով

Թուրքիայում հնդիկ զբոսաշրջիկների շրջագայությունների չեղարկումները աճել են 250%-ով՝ Պակիստանին ցուցաբերած աջակցությունից հետո։ Daily Express-ը գրում է, որ այս բոյկոտը կարող է վտանգել մինչև 400 մլն դոլարի ներդրումներ Թուրքիայի տնտեսությունում։

ԵՄ-ում կենսաթոշակային ամենաբարձր տարիք ունեցող երկիրը Դանիան է

Դանիայում պաշտոնական կենսաթոշակային տարիքն արդեն 67 է և փուլային աճով 2035-ին կդառնա 69, իսկ 1970-ից հետո ծնվածների համար՝ 70 տարի։

Ֆինլանդիան արգելում է ռուսներին և բելառուսներին անշարժ գույք գնել

Ֆինլանդիայի պաշտպանության նախարարությանը լիազորություն է տրվել արգելել ռուս և բելառուս քաղաքացիություն ունեցող անձանց անշարժ գույքի ձեռքբերում՝ ազգային անվտանգության նկատառումներով։

Մանրամասները՝ տեսանյութում: