1000 խոշոր հարկ վճարողների վճարած գումարը հասել է նոր ռեկորդի 2025 թվականի առաջին եռամսյակում 1000 խոշոր հարկ վճարողների կողմից վճարված գումարները կազմել են ավելի քան 409 միլիարդ 353  միլիոն դրամ Պետական եկամուտների կոմիտեն հայտնում է, որ ՊԵԿ պաշտոնական կայքում հրապարակվել է 2025 թ. հունվար-մարտ ամիսների ընթացքում առաջին 1000 խոշոր հարկ վճարողների կողմից վճարված հարկերի և վճարների վերաբերյալ տեղեկատվությունը: 1000 խոշոր հարկ վճարողների կողմից 2025 թվականի հունվար-մարտ ամիսների ընթացքում պետական բյուջե ընդհանուր առմամբ վճարվել է ավելի քան 409 միլիարդ 353 միլիոն դրամ, նախորդ տարվա նույն ցուցանիշը կազմել է  387 միլիարդ 109 միլիոն դրամ, կամ ավելի է հավաքագրվել  22 միլիարդ 244 միլիոն դրամ: Հարկային մարմին կատարված վճարումների գումարը կազմել է ավելի քան 329 միլիարդ 123 միլիոն դրամ, նախորդ տարվա նույն ցուցանիշը կազմել է 329 միլիարդ 864 միլիոն դրամ։ Մաքսային մարմին կատարված վճարումների գումարը կազմել է ավելի քան 80 միլիարդ 230 միլիոն դրամ, նախորդ տարվա նույն ցուցանիշը կազմել է 57 միլիարդ 244  միլիոն դրամ, կամ  ավելի է հավաքագրվել շուրջ 22 միլիարդ 986  միլիոն դրամ։ 1000 խոշոր հարկ վճարողների վերաբերյալ ցանկը հասանելի է ՊԵԿ պաշտոնական կայքի  «Տեղեկություն հարկ վճարողների վերաբերյալ» բաժնի «Հարկ վճարողների վերաբերյալ տեղեկատվական ցանկեր» ենթաբաժնում: ՊԵԿ տեղեկատվության և հասարակայնության հետ կապերի բաժին ***

ԶՊՄԿ-ի բացատրությունը 1000 խոշոր հարկատուների ցանկից բացակայության մասին

Զանգեզուրի պղնձամոլիբդենային կոմբինատը պարզաբանում է, որ 2024թ.-ի առաջին եռամսյակում ընկերության վճարած հարկերի նվազման պատճառը նախորդ տարի վճարված ռոյալթիի կանխավճարների վերադարձն է։ Քանի որ ԶՊՄԿ-ի հարկային բեռի հիմնական մասը ուղղակի հարկերն են՝ շահութահարկ և ռոյալթի, առաջին եռամսյակի արդյունքներով ընկերության հարկային մակարդակը չի արտացոլում տարվա իրական ցուցանիշները։ Ընկերությունը վստահեցնում է, որ հաջորդ եռամսյակում և տարեկան կտրվածքով վճարված հարկերը կվերականգնվեն, և ԶՊՄԿ-ն կրկին կգրավի առաջատար դիրքեր խոշոր հարկատուների ցանկում։   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: