Հայ գործարարների ասոցիացիան՝ հանուն երիտասարդների Buissup 2022-ի միջոցառումների շարքը հասնում է իր մաժորային ակորդին։ Բժշկությունից մինչև կրթություն, ռոբոտաշինությունից մինչև նորարարական, կրեատիվ բիզնես գաղափարներով երիտասարդները Դիլիջանում մեկ շաբաթ շարունակ իրենց նախագծերի համար թեժ պայքար կմղեն բիզնես ոլորտի հայտնի ու հաջողակ պրոֆեսիոնալների օգնությամբ։ Այս ծրագրի յուրաքանչյուր դետալ մտածել ու մշակել է Հայ գործարարների ասոցիացիան՝ Տաշիր ընկերությունների խմբի հետ։ Նախաձեռնողները ծախսում են մեծ գումար, տրամադրում ժամանակ երիտասարդների հետ աշխատանքի համար, որ ոչ միայն նրանց ոգևորեն զբաղվել բիզնեսով, այլև նպաստեն երկրի տնտեսության զարգացմանը, քանի որ նախագծի պայմանը ստարտափերի հայկական ծագում ունենալն է։ Ընտրված լավագույն 200 մասնակիցները ներկայացրել են այդպիսի 50 նախագիծ։ Buissup-ը հարթակ է, որտեղ բացի նրանից, որ զարգացնում են թիմի հմտությունները, պատրաստում ներդրողի հետ շփման, այլև տալիս են թևեր, որ ավելի լայն մտածեն, քան կարող է լինել դրամաշնորհ ստանալու գայթակղիչ միտքը։ Մանրամասները՝ տեսանյութում