Ատոմակայանը պատրաստ է աշխատելու ևս 10 տարի Վերջին վերազինումից ու փորձաքննություններից հետո Մեծամորի ատոմակայանը հնարավոր է շահագործել ևս 14 տարի` մինչև 2036 թվականը: Դա վստահեցրել են նաեւ ՄԱԳԱՏԷ-ի փորձագետները: Արդեն նախատեսված են Ռոսատոմ-ի հետ համատեղ միջոցառումներ` ավելի բարձրացնելու ատոմակայանի անվտանգության մակարդակը: Օրակարգում է նաեւ ՀԱԷԿ-ի երկրորդ բլոկի կառուցման հարցը: ՏԿԵ փոխնախարար Հակոբ Վարդանյանի խոսքով` անցյալ տարի արդիականացվել է ռեակտորի ակտիվ գոտու սառեցման վթարային համակարգը: Կառուցվել է նոր սերնդի` Ֆուկուսիմայի վթարից հետո մշակված չափանիշով աշխատող անվտանգության համակարգ: 2022 թվականի 4-րդ եռամսյակում ռուսական կողմը կմատակարարի ատոմակայանի միջուկային վառելիքի ընթացիկ պահանջը: Նախատեսվում է կառուցել ևս մեկ պահեստարան ` օգտագործված վառելիքը պահելու համար: 1990-ականներից, երբ փակվեց երկաթուղին, Հայաստանից գործածված վառելիք չի արտահանվել: Մինչև այդ այն արտահանվում էր Ռուսաստան: ՀԱԷԿ գլխավոր տնօրենի առաջին տեղակալ Մովսես Վարդանյանն ասում է, որ 3 շինություն արդեն կառուցված է, չորրորդի համար ունենք բոլոր պահեստամասերը: Այն կառուցելուց հետո մինչև 2034-2036թթ միջուկային վառելիքի պահպանման խնդիր չենք ունենա: