Ներդրումային ոլորտը հուլիսի 22-ին

Համաշխարհային ինդեքսներ Ամերիկյան ինդեքսները ուրբաթ փակվեցին նվազումով: Dow Jones Industrial Average-ը նվազեց 0.93%-ով՝ հասնելով 40287.53 կետին: S&P 500-ի արժեքը նվազեց 0.71%-ով՝ հասնելով 5505.16 կետին: S&P 500-ի ֆյուչերսը երկուշաբթի աճում է 0.26%-ով: Ճապոնական Nikkei 225-ը նվազում է՝ հասնելով 39521 կետին, Կորեական KOSPI-ն նվազում է 0.93%-ով՝ հասնելով 2769.42 կետին, իսկ Չինական Shanghai Composite-ը նվազում է 0.82%-ով՝ հասնելով 2957.25 կետին: Մակրոէկոնոմիկա Չինաստանի Կոմունիստական Կուսակցության Կենտրոնական Կոմիտեի երրորդ պլենումի արդյունքներով պաշտոնյաները զերծ մնացին տնտեսական աճի խթանման միջոցների վերաբերյալ էական հայտարարություններից: ԱՄՆ ֆինանսների նախարարության տվյալներով, չինական հիմնադրամները մայիսին վաճառել են ԱՄՆ արժեթղթեր (բաժնետոմսեր և պարտատոմսեր) $42.6 միլիարդ դոլարի չափով: Վաճառքները 2024 թվականի առաջին հինգ ամիսների ընթացքում կազմել են $79.7 միլիարդ դոլար: Ապրանքային շուկաներ Այսօր ոսկու գինը աճում է նվազումից հետո՝ առևտուր լինելով մոտ $2402.5 մեկ ունցիայի համար: Նավթի գնանշումները ուրբաթ նվազել են: Brent նավթի գինը կազմում է $82.9 մեկ բարելի համար, իսկ WTI-ն՝ մոտ $80.5 մեկ բարելի համար: Կորպորատիվ իրադարձություններ/ միջոցառումներ 1. Հինգշաբթիից ուրբաթ երեկոյան Microsoft ընկերության ամպային համակարգերը սկսեցին աշխատել խոշոր խափանումներով: Սխալը հանգեցրեց հարյուրավոր թռիչքների չեղարկման ԱՄՆ-ում, բանկերի, Լոնդոնի ֆոնդային բորսայի աշխատանքների խափանմանը, ինչպես նաև կապի համակարգերի խափանմանը: Խափանումը կարող էր առաջանալ CrowdStrike ընկերության կիբերապահովման ծրագրային ապահովման սխալի պատճառով: 2. American Express ընկերության եկամուտը երկրորդ եռամսյակում աճել է 8%-ով տարեկան հաշվարկով, իսկ զուտ շահույթը՝ 39%-ով: Ապրիլ-հունիս ամիսներին եկամուտը կազմել է $16.33 միլիարդ դոլար: Զուտ շահույթը կազմել է $3.02 միլիարդ դոլար, կամ $3.49 մեկ բաժնետոմսի համար: AmEx քարտերի ծախսերը երկրորդ եռամսյակում աճել են 5%-ով տարեկան՝ հասնելով $388.2 միլիարդ դոլարի: Cube Invest