Ռուսաստանից Մեքսիկա ներմուծման ծավալն ավելացել է Ռուսաստանից Մեքսիկա ներմուծման ծավալն այս տարվա հունվարից հունիս ընկած ժամանակահատվածում կազմել է 1,193 միլիարդ դոլար, ինչը 2021 թվականի առաջին կիսամյակի համեմատ աճել է գրեթե 21 տոկոսով,- հայտնել է այդ երկրի Կենտրոնական բանկը։ Ռուսաստանից Մեքսիկա գալիս է հիմնականում մետալուրգիական և քիմիական արդյունաբերության արտադրանք, ալյումին և պարարտանյութ: Հունիսին Ռուսաստանի Դաշնությունից ներմուծումը կազմել է 275,4 մլն դոլար, ինչը գերազանցում է ընթացիկ տարվա ցանկացած այլ ամսվա ցուցանիշը։ 2021 թվականին երկու երկրների միջև ապրանքաշրջանառությունը հասել է ռեկորդային մակարդակի ՝ գերազանցելով 4,5 միլիարդ դոլարը։ Միացյալ Նահանգները մնում է Մեքսիկայի ամենակարեւոր առեւտրային գործընկերը։ 2021 թվականին երկու երկրների միջև ապրանքաշրջանառությունը կազմել է ավելի քան 661 միլիարդ դոլար։ Հուլիսին արտգործնախարար Մարսելո Էբրարդը հայտարարեց, որ ամերիկյան ընկերությունները նախատեսում են 40 միլիարդ դոլարի ներդրում կատարել Մեքսիկայի տնտեսության մեջ մինչև 2024 թվականը։