Ներդրումային ոլորտը օգոստոսի 20-ին Համաշխարհային ինդեքսներ Ամերիկյան ինդեքսները երկուշաբթի օրը փակվել են դրական դինամիկայով, Dow Jones Industrial Average-ը աճել է 0.58%-ով՝ հասնելով 40,896.53 կետի: S&P 500-ի արժեքը ավելացել է 0.94%-ով՝ հասնելով 5,606.63 կետի: S&P 500 ֆյուչերսը երեքշաբթի օրը ավելացել է 0.04%-ով: Ճապոնական Nikkei 225-ը աճել է 0.61%-ով՝ հասնելով 38,072 կետի, կորեական KOSPI-ն ավելացել է 0.83%-ով՝ հասնելով 2,696.55 կետի, իսկ չինական Shanghai Composite-ը նվազել է 1.03%-ով՝ հասնելով 2,863.53 կետի: Մակրոէկոնոմիկա 1․ Լրատվամիջոցների տվյալներով, ամերիկյան ներդրումային բանկ Goldman Sachs-ի տնտեսագետները նվազեցրել են ԱՄՆ-ում ռեցեսիայի հավանականությունը մինչև 20%՝ նախկինում կանխատեսվող 25%-ից: Բացի այդ, ավելացել է վստահությունը, որ ԱՄՆ դաշնային պահուստը (ՖՌՍ) սեպտեմբերին կիջեցնի բազային տոկոսադրույքը 25 բազիսային կետով: 2․ Երկուշաբթի օրը դոլարի ինդեքսը թարմացրել է բազմամսյա նվազագույն արժեքները՝ մոտենալով 102.0 նշագծին: Նախկինում այս մակարդակում ինդեքսը գտնվել էր 2024-ի սկզբում: Դոլարի թուլությունը պայմանավորված է, մասնավորապես, ԱՄՆ-ի շինարարության ոլորտի վերջին տվյալներով, որոնք ավելի վատն էին սպասումներից: Ապրանքային շուկաներ Ոսկու գինը շարունակում է աճել, մետաղը դեռևս վաճառվում է պատմական առավելագույնից բարձր՝ $2500 մեկ ունցիայի համար: Երկուշաբթի օրը նավթի գնանշումները նվազել են, Brent նավթի գինը կազմում է $77.2 մեկ բարելի համար, իսկ WTI-ի գինը՝ մոտ $73.8 մեկ բարելի համար: Կորպորատիվ իրադարձություններ/ միջոցառումներ 1․ Լրատվամիջոցների տվյալներով, չիպերի արտադրող AMD-ն գնում է ամերիկյան լուծումների մատակարարին՝ ZT Systems-ին, որը զբաղվում է ամպային տեխնոլոգիաներով և արհեստական ինտելեկտով, $4.9 միլիարդով: Գործարքը կվճարվի AMD-ի գումարներով և բաժնետոմսերով: 2․ Լրատվամիջոցների համաձայն, ամերիկյան ավտոմոբիլային General Motors կոնցեռնը պլանավորում է կրճատել ավելի քան 1000 աշխատակիցներ, ովքեր աշխատում են ՏՏ և ծառայությունների ոլորտում: 3․ Bank of America-ի գնահատմամբ, ամերիկյան տնտեսության մասնավոր հատվածի ֆինանսական ակտիվների ընդհանուր ծավալը (առանց անշարժ գույքի) վեց անգամ գերազանցում է երկրի ՀՆԱ-ն։ Cube Invest