Ազգային ժողովի հոկտեմբերի 28-ի նիստում ՆԳ նախարար Արփինե Սարգսյանը, հանդես գալով որպես հարակից զեկուցող ընտանեկան և կենցաղային բռնության դեմ պայքարի օրենսդրական փաթեթի քննարկմանը, հորդորել է պատգամավորներին առավել հոգատար և զգույշ լինել խոսույթում։ Նախարարն ընդգծել է, որ քննարկումներին հետևում են նաև բռնության զոհեր, որոնք դեռևս համարձակություն չունեն դիմելու իրավապահ մարմիններին։
Ինչու է դա կարևոր. Արփինե Սարգսյանը ներկայացրել է մտահոգիչ վիճակագրություն, որը հիմնավորում է «նախազգուշացում» հասկացությունը վերացնելու և անհետաձգելի միջամտության մեխանիզմները խստացնելու անհրաժեշտությունը։ Նախագիծը մշակվել է վարչապետի տիկին Աննա Հակոբյանի նախաձեռնած՝ ընտանեկան բռնության դեմ պայքարի արշավի շրջանակում։
Բռնության կրկնման վիճակագրական տվյալները.
Կրկնություն նախազգուշացումից հետո. 2026թ. սեպտեմբերի 29-ի դրությամբ նախազգուշացում կիրառելուց հետո բռնության կրկնման 93 դեպք։
Կրկնություն անհետաձգելի միջամտությունից հետո. 2026թ. սեպտեմբերի 29-ի դրությամբ գրանցվել է 316 դեպք։
Կրկնակի արձանագրումներ նույն անձանց միջև.
2025 թվականին. 343 դեպք։
2026 թվականի 1-ին կիսամյակում. 230 դեպք։
