Հայաստանում սպառողական գների ինդեքսն աճել է 8.1%-ով Վիճակագրական կոմիտեի հրապարակած տվյալների համաձայն 2022թ. հունվար-հունիս ամիսներին՝ 2021թ-ի համեմատ Հայաստանում սպառողական գների ինդեքսն աճել է 8.1%-ով: Հունիսին սպառողական գների ինդեքսը աճել է 0.3%-ով:  Սննդամթերքի և ոչ ալկոհոլային խմիչքների գները 2022թ. առաջին կիսամյակի ընթացքում աճելեն 9.2%-ով: Ալկոհոլային խմիչքների, ծխախոտային արտադրատեսակների գները նույն ժամանակում աճել են 6.6%-ով: Հագուստի և կոշիկի գները նվազել են 2.9%-ով: Բնակարանային ծառայությունների, ջրի, էլեկտրաէներգիայի, գազի և վառելիքի այլ տեսակների գները այս տարվա առաջին կիսամյակի ընթացքում աճել են 4.8%-ով: Կենցաղային տեխնիկայի և բնակարանի ընթացիկ սպասարկման գները աճել են 6.4%-ով: Առողջապահության գները 2022թ. առաջին կիսամյակի ընթացքում աճել են 1.9%-ով: Տրանսպորտի գները 2022թ. առաջին կիսամյակի ընթացքում աճել են 7.4%-ով: