Կոնվերս Բանկը UX/UI Battle-ի գլխավոր գործընկերն է Կոնվերս Բանկը միացել է UX/UI Design Battle նախաձեռնությանը որպես գլխավոր գործընկեր: Մասնակցության մասին որոշումը կայացվել է թվային պրուդուկտների զարգացմանը բաց մոտեցման շրջանակներում: Ապրիլին Converse Mobile նոր բջջային հավելվածի գործարկումից հետո Բանկը շարունակում է ստանալ օգտատերերի արձագանքներն ու առաջարկները, վերլուծել դրանք՝ նրանց փորձառությունը հետագայում հավելվածի թարմացումներում օգտագործելու, ավելի ֆունկցիոնալ և բարելավված ինտերֆեյս ստանալու նպատակով: UX/UI Battle-ը այս գործընթացի տրամաբանական շարունակությունն է՝ արդեն տեխնոլոգիական համայնքի մասնակցությամբ: Դրա մասնակիցներին կառաջադրվի իրական բիզնես խնդիր՝ հիմնված օգտատերերի կարծիքների վրա: Այն կվերաբերի հավելվածի ամեննաքննարկված բաժիններից մեկին՝ «Payments & Transfers»-ին: Լավագույն գաղափարների հեղինակները կստանան մրցանակներ, նաև կկարողանան իրական ազդեցություն ունենալ գործող թվային արտադրանքի զարգացման վրա. լավագույն գաղափարները հաշվի կառնվեն հավելվածի հետագա թարմացումներում: «Մենք հավատում ենք, որ լավագույն թվային լուծումները ծնվում են բաց համագործակցության միջավայրում: UX/UI Battle-ը մեզ հնարավորություն կտա հավելվածին նայել այլ՝ մասնագետների աչքերով ու տեսանկյունից, իսկ նրանց կարծիքներն ու առաջարկները կիրառել հավելվածի հետագա թարմացումներում՝ մեր օգտատերերին առաջարկելով լավագույն փորձառություն թվային տիրույթում»,– ասել են Բանկում: Մրցույթը տեղի կունենա մայիսի 24-ին Woods Center-ում: Մրցանակային ֆոնդը կազմում է 1մլն ՀՀ դրամ: Հանդիսատեսի գրանցում՝ https://bit.ly/3YIG7ls Կոնվերս Բանկը վերահսկվում է ՀՀ կենտրոնական բանկի կողմից:   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: