Ներդրումային ոլորտը սեպտեմբերի 18-ին

Համաշխարհային ինդեքսներ Ամերիկյան ցուցիչները երեքշաբթի օրը փակվել են տարբեր ուղղություններով. Dow Jones Industrial Average-ը նվազել է 0.04%-ով՝ հասնելով 41,606.18 կետի: S&P 500-ի արժեքը բարձրացել է 0.03%-ով՝ հասնելով 5,634.55 կետի: S&P 500-ի ֆյուչերսը չորեքշաբթի օրը աճել է 0.17%-ով: Ճապոնական Nikkei 225-ը նվազել է 0.74%-ով՝ հասնելով 36,430 կետի: Կորեական KOSPI-ն աճել է 0.13%-ով՝ հասնելով 2,575.4 կետի, իսկ չինական Shanghai Composite-ը բարձրացել է 0.40%-ով՝ հասնելով 2,714.82 կետի: Մակրոէկոնոմիկա 1. ԱՄՆ-ում օգոստոսին մանրածախ վաճառքները աճել են 0.1%-ով հուլիսի համեմատ, իսկ վերլուծաբանները կանխատեսում էին 0.2%-ով նվազում: 2. ԱՄՆ-ում արդյունաբերական արտադրության ծավալը նախորդ ամսվա ընթացքում աճել է 0.8%-ով, մինչդեռ շուկան սպասում էր 0.2%-ով ավելի դանդաղ աճ: Տարեկան հաշվարկով ցուցանիշը մնացել է անփոփոխ: Ապրանքային շուկաներ Ոսկու գինը նվազել է և ներկայումս կազմում է $2,568.2 մեկ ունցիայի համար։ Նավթի գնանշումները երեքշաբթի օրը աճել են։ Brent նավթը վաճառվում է $73.2 մեկ բարելի համար, իսկ WTI-ն՝ $70.7: Կորպորատիվ իրադարձություններ/ միջոցառումներ 1. Բրիտանական BP Plc-ն հայտարարել է ԱՄՆ-ում իր քամու էներգիայի բիզնեսի՝ BP Wind Energy-ի վաճառքի մասին, որը գնահատվում է մոտ $2 միլիարդ: Ընկերությունը ցանկանում է կենտրոնանալ ԱՄՆ-ում արևային էներգիայի բիզնեսի վրա: 2. Boeing-ը նախատեսում է սառեցնել նոր աշխատակիցների ընդունումը, կրճատել գործուղումները և քննարկում է ժամանակավոր կրճատումների տարբերակ՝ գործադուլի ժամանակ գումար խնայելու նպատակով: 3. Microsoft-ը հայտարարել է մինչև $60 միլիարդ արժողությամբ բաժնետոմսերի հետգնման (buyback) ծրագրի մասին, որը կգործի անսահմանափակ ժամկետով: Բացի այդ, Microsoft-ը բարձրացրել է եռամսյակային դիվիդենդը 10%-ով՝ վճարելով $0.83 մեկ բաժնետոմսի համար: Cube Invest