ԿԲ հորդորը՝ չօգտվել չլիցենզավորված ֆինանսական կառույցների ծառայություններից ՀՀ կենտրոնական բանկը հորդորում է զերծ մնալ երրորդ անձանց դրամական միջոցներ կամ քարտային տվյալներ փոխանցելուց: ԿԲ-ն կոչ է անում նաեւ չօգտվել չլիցենզավորված ֆինանսական կազմակերպությունների առաջարկած ֆինանսական ծառայություններից: ԿԲ կողմից լիցենզավորված ֆինանսական կազմակերպությունների ցանկին կարելի է ծանոթանալ ԿԲ պաշտոնական կայքի ՙՖինանսական համակարգ եւ վերահսկողություն՚ բաժնի ՙՖինանսական կազմակերպություններ՚ ենթաբաժնում: