Վիճակագրություն. Հանրապետության բոլոր մարզկենտրոններում անշարժ գույքը թանկացել է Այս տարվա երրորդ եռամսյակում՝ հուլիս, օգոստոս, սեպտեմբեր ամիսներին բոլոր մարզկենտրոններում անշարժ գույքի գները բարձրացել են։ Արագածոտնի մարզկենտրոն Աշտարակում 1 քառակուսի մետր մակերեսի հաշվարկով անշարժ գույքի գինը միջինը բարձրացել է 19.4%-ով: Արարատի մարզկենտրոն Արտաշատում բարձրացումը 16.2%-ով է: Արմավիրի մարզկենտրոն Վաղարշապատում բարձրացումը 31.1% է, Գեղարքունիքի մարզկենտրոն Գավառում անշարժ գույքի միջին շուկայական գինն աճել է 32.5%: Լոռու մարզկենտրոն Վանաձորում անշարժ գույքի միջին գինն աճել է 28.7%-ով, իսկ Կոտայքի մարզկենտրոն Հրազդանում աճը եղել է 29.4%: Շիրակի մարզկենտրոն Գյումրիում անշարժ գույքի գինն աճել է 27.7%, իսկ Սյունիքի մարզկենտրոն Կապանում աճը կազմել է 20.4%: Եվ Տավուշի մարզկենտրոն Իջևանում գինն աճել է 17.6%-ով: