Առաջինը Հայաստանում. աղբավայր, որը կարժենա 11 մլն եվրո

Մինչև տարեվերջ Հայաստանում շահագործման կհանձնվի նոր՝ եվրոպական ստանդարտներին համապատասխան 25 հեկտար տարածքով սանիտարական աղբավայր, որը կարժենա 11 մլն եվրո։ Հայաստանում առաջին այդ աղբավայրը սպասարկելու է Գեղարքունիքի և Կոտայքի մարզերը։ Պիլոտային ծրագրի ավարտին փորձը կկիրառվի նաև այլ մարզերում, որը հնարավորություն կտա հանրապետությունում փակել տասնյակ աղբավայեր,նաև էականորեն կնվազեն աղբավայրերում պարբերաբար բռնկվող հրդեհները, որոնք հասցնում են բնապահպանական, և տնտեսական լուրջ վնասներ։ Ըստ ԱԻՆ տվյալների՝ միայն վերջին երեք տարվա ընթացքում Հայաաստանի աղբավայրերում բռնկված հրդեհների թիվը հասնում է 200-ի: Ըստ կառուցապատողների՝ տարածքը որպես աղբավայր կծառայի 25 տարի։