Հայաստանի տնտեսությունը կշահի ԵԱՏՄ-Հնդկաստան համագործակցությունից
Հայաստանի տնտեսությունը կարող է ավելանալ 0.63%-ով՝ ԵԱՏՄ և Հնդկաստանի միջև ազատ առևտրի համաձայնագրի կնքման արդյունքում: Այս մասին նշված է Արտաքին առևտրի համառուսաստանյան ակադեմիայի հետազոտությունում: Ըստ «Փրայմ»-ի, Հնդկաստանի հետ ազատ առևտրի համաձայնագրի կնքման արդյունքում ԵԱՏՄ-ն կավելացնի իր ՀՆԱ-ն 1.47%-ով կամ 34.9 միլիարդ դոլարով: Ղազախստանի տնտեսությունը կաճի 0.71%-ով, Ռուսաստանի տնտեսությունը՝ 1.52%-ով, Բելառուսի տնտեսությունը՝ 0.55%-ով, իսկ Ղրղզստանի տնտեսությունը՝ 0.43%-ով: Տնտեսագետները նշում են, որ ԵԱՏՄ երկրները կարող են ստանալ առավել մեծ օգուտներ համաձայնագրի կնքումից, հաշվի առնելով Հնդկաստանի ներմուծման տուրքերի բարձր դրույքաչափերը: 2022 թվականին ներմուծման տուրքերի միջին կշռված մակարդակը Հնդկաստանում կազմել է 11.4%, մինչդեռ ԵԱՏՄ երկրներում այն տատանվում է 5.2%-ից 6.6%-ի միջև: Այս ազդեցությունն առավել նկատելի կլինի Ռուսաստանի համար, քանի որ Հնդկաստանը արդեն 2023 թվականին դարձել է Ռուսաստանի երկրորդ խոշորագույն առևտրային գործընկերը: