Հայաստանի ոչ ռեզիդենտների ներդրումների պորտֆելը կազմում է մոտ 150մլրդ դրամ․ Ֆիննախ

Հայաստանի ոչ ռեզիդենտների ներդրումների պորտֆելը կազմում է մոտ 150մլրդ դրամ, հայտարարեց ՀՀ ՖՆ պետական պարտքի կառավարման վարչության գործառնական բաժնի պետ Սամվել Խանվելյանը։«Կցանկանայի առանձնացնել ոչ ռեզիդենտ ներդրողներին, ակտիվ ներդրողներին։ Այս պահին նրանց պորտֆելն արդեն կազմում է հիմնական պորտֆելի (ներքին պետական պարտքի) մոտ 7%–ը կամ մոտ 150մլրդ դրամ», – ասաց Խանվելյանը։ Նա նշեց, որ նման միտումը լավացնում է ներդրողների կառուցվածքը։ Միաժամանակ պաշտոնյան տեղեկացրեց, որ ամսվա ընթացքում նախատեսվում է պետական պարտատոմսերի մանրածախ վաճառքի էլեկտրոնային հարթակի նոր տարբերակի գործարկում։ «Դա թույլ կտա Հայաստանի ռեզիդենտներին պարտատոմսեր ձեռք բերել առցանց, ինչպես նաև ոչ ռեզիդենտ ֆիզիկական անձանց հնարավորություն կտա գնել հայկական պետական պարտքային պարտատոմսեր ուղիղ տրամադրողից», – ասաց Խանվելյանը։ ՀՀ ազգային վիճակագրական կոմիտեի հաշվետվության համաձայն, Հայաստանի ընդհանուր պետական ​​պարտքը 2023 թվականի դեկտեմբերի 31-ի դրությամբ կազմել է 11,845,302 մլն դոլար՝ նախորդ տարվա 10,637,664 մլն դոլարի դիմաց։ Ընդհանուր պարտքի կառուցվածքում արտաքին պարտքին բաժին է ընկնում  6501,380 մլն դոլարը, իսկ ներքին պարտքը հասել է 5,343,922 մլն դոլարի ($1 – 404,14 դրամ)։