Այս տարվա հունվար-սեպտեմբերին Հայաստանի անշարժ գույքի շուկայում իրականացվել է մոտ 150 հազար գործարք, ինչը նախորդ տարվա 9 ամսվա համեմատ 4.7 տոկոսով ավելի է: Վիճակագրական կոմիտեի տվյալները ցույց են տալիս, որ այս 150 հազար գործարքներից մոտ 40 հազարը եղել են առուվաճառք: Բնակարանների առնչությամբ գործարքներն աճել են 11.3 տոկոսով: Ինչ վերաբերում է անշարժ գույքի գներին, Երևանում անշարժ գույքի 1 քմ-ի միջին գինը նախորդ տարվա սեպտեմբերի համեմատ բարձրացել է 13.7, մարզերում՝ 19.8 տոկոսով: Սա հիմնականում պայմանավորված է արտերկրից, մասնավորապես, Ռուսաստանից մարդկանց ներհոսքով: Օտարերկրացիները ձեռք են բերել 1418 գույք, ինչը 31.1 տոկոսով ավելի է, քան նախորդ տարվա հունվար-սեպտեմբերին: Նրանց մեծ մասը Ռուսաստանից է, սակայն կան նաեւ այլ երկրի քաղաքացիներ: