Մասնագիտական կրթություն՝ Հայաստանի գյուղատնտեսության ոլորտում 8,3 միլիոն շվեյցարական ֆրանկ՝ Հայաստանում գյուղատնտեսության ոլորտում մասնագիտական կրթության զարգացման համար: Գյուղատնտեսության ոլորտում մասնագիտական կրթության և ուսուցման արդիականացման ՄԱՎԵՏԱ կրթական երկարաժամկետ ծրագիրն իրականություն դարձնելու համար Շվեյցարիան գործակցում է Ավստրիայի և Գերմանիայի հետ: Անասնաբուժության, կաթի և կաթնամթերքի տեխնոլոգիաների, ֆերմերային գործի, գյուղատնտեսական մեքենաների, այգեգործության և կաթնաֆերմայի կառավարման մասնագետների գործնական ուսուցումը կանցկացնեն երեք օր տեսական, երեք օր գործնական պարապմունքերով: Առաջին հիմնական փուլը կտևի երեք տարի: Արդեն հաստատվել է նաև երկրորդ հիմնական փուլը՝ 2026-2030 թվականների համար։ Ծրագիրը կփորձի նպաստել ոչ միայն գյուղատնտեսության ոլորտում կրթության համակարգի բարեփոխմանը, այլև կբարելավի հարակից բնագավառների մասնագետների և շրջանավարտների գիտելիքներն ու հմտությունները, ինչը կնպաստի Հայաստանի գյուղերում ինքնազբաղվածության ու մարդկանց եկամուտների ավելացմանը: