Նախապես կնքված պայմանագրերով գործարանները շարունակում են խաղողի մթերումը

Արարատյան դաշտի խաղողի այգիներում ակտիվ բերքահավաքի շրջան է: Եթե անցած տարի խաղաղագործները դժգոհում էին, որ գործարանները բերքը չեն մթերում, ու ճանապարհներ էին փակում, այս տարի այդ խնդիրը չկա: Պայմանագրեր ունեն, բայց, ինչպես և անցած տարիներին, ֆերմերների խնդիրը մթերվող խաղողի դիմաց ցածր գինն է: Պետությունը աջակցում է մթերվող խաղողի դիմաց 50 տոկոսի չափով բանկային երաշխիք տրամադրելով: Մինչև տասը տոննա խաղող ունեցողների գումարը վճարում են տեղում ու միանգամից: 10-ից ավելիի դեպքում գործում է տարաժամկետ վճարման պայմանը: Մթերման գործընթացն ավելի արդյունավետ կլինի, եթե պետական սուբսիդավորումը տրամադրվի ոչ թե բանկի միջոցով գործարանին, այլ անմիջականորեն ֆերմերին: